Anniversary Getaway! ♥

Marami kaming pinagpilian kung saan namin icecelebrate ang aming ika-apat na taon. :) Dahil pareho naming gusto ang beach, malapit lang ang biyahe, pasok ang Zambales. Nakapunta na ako sa Anawangin 2 years ago with college friends. Ito pa nga ang kauna-unahan naming gala eh. Pero hindi nakasama si neiL doon dahil sa bawal ang magsama ng boyfriend! Sabi ko nung nakita ko Anawangin, dadalhin ko doon si neiL, dapat makita din niya iyon! :) At dumating na nga ang takdang panahon. :)

Sa tulong ng GT ( for the nth times! Kasama na ito basta travel ang pag uusapan! Hehe! ), nakakuha ako ng contacts. Ang pinili ko syempre iyong recommended para subok na, si Mang Johnny. :)

Wednesday, January 5. Nagpunta akong Victory Liner sa may España para bumili ng tickets. Kaso lumipat na pala sila. Naglakad ako ng malayo-layo. Pero ok lang kasi mas maganda ang bago nilang terminal sa may Legarda. :)

Thursday, January 6. Pareho pa kaming pumasok sa trabaho dahil 11PM pa naman ang kinuha naming sked. Naggrocery pa ako sa SM Manila para sa mga kailangan namin, hotdog at marshmallow! :D Nagdinner muna kami sa Mang Inasal malapit sa terminal before kami pumunta sa Victory Liner. Mas komportable ang maghintay dito kaysa sa luma nila terminal. :)

Unang picture namin ngayong 2011! :)

11PM. Sakto umalis ang bus.:) Bago pa ang bus nila. Sakto lang ang lamig at ang takbo. :) 

Happy 48th! ♥

Friday, January 7. Stop-over sa Olongapo,mga 1AM na nun,nagtext ako kay Mang Johnny then tulog ulit. Maya-maya ginigising na ako ni neiL kasi San Antonio na! Haha! At dun ko lang nabasa reply ni Mang Johnny na 40mins na lang daw. :) 2AM nasa San Antonio na kami! :) Marami ding tricycle driver ang nandun at nagtatanong kung magpapahatid kami, sabi namin may sundo na kami. At dumating na nga ang sundo natin. Hinatid kami sa bahay ni Mang Johnny. Ganda ng bahay nila. Tulog daw muna kami sa isang kwarto at gigisingin na lang pag ok na umalis. Bait!
5:30AM. Bumangon na kami at pinagkape ni mang Johnny. Bait talaga. Kwentuhan then alis na.
Pagkakita ko pa lang sa alon ang sabi ko, tutuloy pa po ba tayo? Haha! Tinatawanan lang ako ng mga kasamahan ni Mang Johnny! Ang lakas kasi ng alon! :S

Pero sabi naman nila safe naman daw, mababaw lang daw kasi kaya ganyan ang alon. Ok fine! Aja! :)
Camara. Dito daw ngshooting sila Marian at Dingdong ng San Marino. Hindi na kami masyadong lumapit.

Capones. Excited ako pumunta dito kasi hindi kami nakaakyat sa Light House noong unang punta namin. Pero ngayon, hindi pa din pwede. Malakas daw ang alon. Hays. Hindi bale, marami pang next time! :) Natutuwa ako sa babaw ng tubig. Iyong mga namimingwit nasa gitna na tapos hindi sila natatakot na matangay ng alon. :)

 Napupuntahan din kita! :)

Anawangin. Sabi sa paskil, P50 Day Tour;P100 Overnight. Sabi ni Mang Johnny pagsiningil daw kami saka lang kami magbayad pero dahil picture picture lang naman daw kami,P20 lang. :) Dami ng bago dito. Dati walang mga bakod dun sa may lagoon na part, ngayon may bakod at gate pa, para siguro masiguradong magbabayad lahat ng papasok. Hehe! Hindi na kami pumunta sa kabilang side, sa may mga colorful flags, mas mhal daw kasi bayad. Saka halos pareho lang din naman. :)

Nagsasa. Maalon na naman ang papunta dito. Feeling ko nga may marka na ng kamay ko ang bangka ni Mang Johnny sa higpit ng kapit ko! Haha! Sulit naman ang tili pagdating sa Nagsasa. :)
Nakakatuwa pa kasi sa buong Nagsasa kami lang ang tao! Haha! Parang nirentahan namin para sa anniversary namin. Nice!;) 
Hanap ng pwesto at picture taking muna ako habang nagaayos si neiL at Mang Johnny ng tent. :) Pagkatapos mag ayos, pahinga muna at umalis na si Mang Johnny, mamamalengke pa daw sila para bukas, may 16 katau siyang ihahatid sa Nagsasa. 

Time to relax.

Bago kumain, naglakad lakad kami papunta sa community sa kabilang side ng isla para bumili ng isda.

Tindahan sa kabilang side

Adobong manok na luto ni Mang Johnny

Ang aming birthday cake!:)

Thanks Mang Johnny sa pagbili ng cake.

After kumain, pahinga tapos swimming time na! :) Enjoy talaga kami kasi solong solo namin ang napakalinaw at napakababaw na dagat. Ganda ng sunset!♥

sunset! ♥

Ang nakakapagod na jumpshot! ;)

Madilim na ng magdecide kaming magbanlaw at mag asikaso para sa aming dinner date. :) Bumili kami ng kahoy pangBonfire kay Mang Ador, P100. Ang dami na. Si neiL ang taga-ihaw, ako naman ang taga-picture at nakatikim! Hehe! Ang aming handa, apat na pirasong inihaw na isda, hotdog, marshmallow at anim na malamig na Tanduay Ice! Sarap! :) 

Happy anniversary to us!♥

Sarap ng marshmallow! yum! yum!

Saturday, January 8. Good morning Nagsasa! Ang aga naming nagising kasi kakaiba ang hangin. Napakalakas. Kala ko nga may bagyo eh. Haha! Habang nagluluto si neiL ng agahan namin, busy naman ako sa pagcheck kung ok bang magswimming! Haha! Ok naman. Sobrang lamig lang! :)

Libot muna habang hinihintay si Mang Johnny. :)

Maraming salamat Nagsasa, hanggang sa muli! :)

Past 12 na dumating sila Mang Johnny. Malakas daw ang hangin. Hmmmm.. Kaya pahinga muna siya tapos larga na kami. Grabe! Soooobrang taas ng alon. :S Doble ang tili ko. Habang si neiL abala kakatawa! Pang-asar talaga! Basang basa talaga ako. Tapos iyong mukha ko puro asin na! Haha! Ang tagal pa ng biyahe namin buti na lang magaling talaga si Mang Johnny! Noong malapit na kami, sabi ni Mang Johnny, kabit na! Nawindang talaga ako. Kapit daw ibig sabihin lulusob kami sa malalaking alon? Haha! Hindi naman pala, sinundan lang namin ang malaking alon at mabilis na pagpapatakbo para hindi kami abutan ng kasunod na alon! Galing nun! Naexcite nga ako habang nasa gitna kami ng alon eh! Haha! Nakiligo kami sa bahay ni Mang Johnny before uwi. :)

###

Maraming salamat sa lahat!

Kay Mang Johnny sa pag asikaso sa amin. Highly recommended!

Kay Xander, sa tripod! Yehey!

Sa GT,sa tips and contact. Hanggang sa susunod na gala.

Kay neiL, sa pagtawa habang praning ako kakatili, 

kahit ganyan ka mahaL pa din kita! ♥